Page 29 - AWEMAINTA

AWEMainta Diaranzon, 11 October 2017 29

Moda, Beyesa y algo mas

Dove ta pidi disculpa pa un anuncio cu ta mustra

un muher color scur cu ta converti y bira blanco

E marca di cosmetica Dove, propiedad di e grupo hulan-
des Unilever, a disculpa su mes publicamente despues di
a difundi riba internet un publicidad cu a haya un gran
cantidad di acusacion di racismo.

“Den un imagen publica e siman aki, nos no a logra
representa e hende muhernan di color, y nos ta lamenta
profundamente e daño cu nos a causa”, ta loke e marca a
declara den un mensahe publicado riba medionan social
Facebook y Twitter.

Den video en cuestion, un anuncio di tres seconde pa un
habon likido, por mira un hende muher color scur bisti
cu un blusa bruin hunto cu un boter di e producto.
Ora cu e kita e blusa, na su lugar ta aparece un hende
muher blanco. Esaki ta kita su blusa tambe pa laga mira
un otro hende muher blanco.

E anuncio, cu a keda difundi inicialmente riba e pagina
di Facebook di Dove na Merca, a keda comparti pa hopi
hende y a lanta un gran cantidad di critica riba medionan
social.
Na 2013, un marca di cosmetica di Unilever ya mester a
pidi disculpa despues di e polemica crea pa un concurso
na Tailand rond di un producto pa hasi e curpa mas cla.