Page 40 - Djaluna 14 mei 2018.pdf

40 Djaluna 14 Mei 2018
Kontinuashon di pagina 8
Direpente SSC ta

kuminsá paga,” tabata
otro komentario.
Ta inkomprendibel,
inaseptabel, intolerabel,
inhustu i peligroso ku awor
SSC a tuma e medidanan aki
sin a plania esaki adelantá,
i mayornan preokupá ta
konsiderá e demanda dje
fundashon komo un akto
iresponsabel.
Mayornan ku e dianan
tras di lomba mester a
firma e kontrato di fiansa
studiantil, no por a kere ora
nan a deskubrí ku direpente
SSC a kambia e akuerdo, i
kondishon bou di kual ta
otorgá e fiansa, loke te hasta
a keda konsiderá komo un
akto kruel.
“E kambio ta enserá ku
mester kuminsá paga e sèn
ku fia inmediatamente pa e
yu su estudio, pa evitá ku e
debe ta akumulá,” segun e
mayornan preokupá. “Nos
ta konsiente ku mester
paga, pero na e sistema
aki,” segun e mayornan a
agregá.
“E desaroyo aki no ta
negoshabel i no ta spera
nada otro di Minister di
Enseñansa Marilyn Alcalá-
Wallé ku lo hala e desishon
abrupto aki aden i revisá
esaki pa un palabrashon
nobo mas flèksibel,” nan a
terminá bisando.