Page 5 - Post Aruba

For di awe te cu dia 8 di september, Western Union no lo cobra pa manda placa Dominica. E isla a
wordo afecta severamente pa Tormenta Tropical Erika y tin hopi necesidad na yudansa. Western
Union ta contribui na e pais y su habitantenan afecta pa medio di e accion aki pa tur persona cu kier
manda placa pa yuda nan sernan keri na Dominica.
Western Union lo cobra solamente e belasting, cu ta un rekisito di Gobierno.
Tormenta Tropical Erika a causa inundacion y derame di lodo cu a causa morto di por lo menos 20
persona. Tin mas di 50 persona perdi. E pais a pidi pa ayudo internacional pa asisti cu e daño inmenso
na nan infrastructura. E destruccion causa ta pusha e desaroyo di e pais bek na e nivel cu tabata dos
decada pasa.
Western Union ta solidario cu e hendenan di Dominica y ta absorba e gastonan di manda placa pa
Dominica for di diferente localidad, incluyendo Aruba, cu e oferta “$0 fee”, pues no ta cobra pa haci
transferencia di placa. Western Union lo cobra solamente e belasting, cu ta un rekisito di Gobierno.E
oferta aki ta valido te cu diamars, dia 8 di september, 2015.
Western Union tambe ta trahando cu WU Foundation pa identifica un partner no-gubernamental pa
traha hunto cune pa yuda den e esfuersonan di alivio na Dominica.

http://www.24ora.com/local-mainmenu-5/99125-western-union-no-ta-cobra-pa-manda-placa-
dominica-te-cu-dia-8-di-september