Page 15 - KPA_Neat

A resulta cu den Rembrandtstraat, na e cruzada di G. Flinckstraat, bay zuid, drenta
Zeppenfeldtstraat y bay zuid direccion Caya Captain Rodger, un persona a usa arma di
candela, y a tira riba otro persona.

Algun persona a core sak nan curpa, y hala mas leu. Y nan a nota cu e victima a haya
tiro tambe. Algun testigo ta insisti cu ta banda pafo di Bonanza Bar el a socede.

Cu urgencia polisnan di San Nicolas a bay den caya di San Nicolas unda a keda informa

cu tin un homber a keda tira.

Pero na yegada di e patruya, a bin tende cu hende a yuda e victima pa e bay den auto
rumbo pa Centro Medico na ImSan.

Un unidad di Polis a keda na e lugar, y otro a bay na Centro Medico pa check kico ta
pasando.

Aki enberdad un homber cu tiro na su bil banda drechi a yega, y mesora a wordo
atendi. E homber tabata hopi nervioso, na tal extremo cu autoridad a haya necesario
pa yama Slachtofferhulp tambe.

Recherche a wordo notifica di e caso, y mientras tanto na e lugar di suseso, autoridad a
cera caya pa asina check si ta haya huls y demas prueba di e tiramento abao na
suela. Tambe a scucha mas detaye di testigonan.

E homber pues ta fuera di peligro di morto, y a keda interna pa mas
observacion. Recherche awor ta riba e pista pa asina haya sa kende ta e persona
triggerhappy di Diahuebs madruga na San Nicolas.