Page 13 - AAA FLIP 16 SEPT 2017

ORANJESTAD(AAN)– E vuelo inaugural di Aruba pa aeropuerto Almirante Padilla di
Riohacha a tuma lugar ayera . Esaki ta e prome vuelo cu ta programa pa tur dialuna y
tur diabierna yegando Riohacha un cuarto pa un merdia y saliendo p Aruba 10 pasa di
un cu avionnan cu capacidad di 19 pasahero di e compania dominicano Sky High.

Informacion y fotonan a ricibi di Gobernacion di La Guajira via Fotonoticia.

“Esaki ta recuperacion di e contactonan di antes cu Aruba tabata tin cu Riohacha tempo
di Tiara Air cu intercambio di turistanan, reencuentro du famianan, di empresarionan ,

di reactivacion di comercio, di proyectonan cultural cu un territorio cu cual nos tabata
tin relacion historico di tempo hopi largo y esaki ta inclui tambe Republica Dominicana,
un teritorio na cual Riohacha tambe a yega di pertenece y tabata bao di hurisdiccion
durante Siglo 16 y 17 , gobernador encarga Weildler Guerra Curvela a asegura.

Según Ivette Pinedo, directora departamental di Turismo, e ruta internacional aki lo
yuda pa wowonan di mundo enfoca riba La Guajira, ya cu awor lo tin un posibilidad
nobo for di y pa Aruba, sino te Republica Dominicana .

“For di La Guajira lo tin oportunidad tambe pa bay e lugarnan ey unda tin afinidad
familiar, comercial y historico y nos ta bay fortalece e lazonan aki cu no solamente ta
social sino comercial y cu por ta posibel un flota cu mayor capacidad si despues e

vuelonan converti den un exito”, Pinedo a asegura.

Gloria Reyes, fundadora di Agencia de Viajes G&R, cu ta representa e compania aereo
Sky High riba territorio guajiro a comenta cu e aerolinea dominicano ta conta cu

avionnan te cu 40 pasahero cu por wordo usa si e demanda pa biahenan ta
halto. Reyes a afirma cu e capital guajira como un distrito turistico ta conta cu un gran
potencial pa mantene e vuelonan y incluso recibi vuelonan for di otro destinonan.

- Advertisement -

http://www.diario.aw/2017/09/vuelo-inaugural-di-sky-high-for-di-aruba-pa-riohacha-a-tuma-lugar/