Page 7 - MIN VOS

Dialuna merdia cuater atletanan Jourdé Klaber Joshua Klaber, Záyhon Klaber y Danon Delamore,
miembronan di e organsacion di taekwondo, Brazil Taekwondo Stichting a biaha pa Sur Korea unda nan
lo competi den e Open di Korea e dianan 2 -7 di juli proximo.

E campeonato di Korea lo ta un G2 unda bringadornan di taya y prospectonan grandi di nan pais lo ta
presenta na e torneo aki. Prome cu e competencia na Sur Korea,e ekipodi Brazil Taekwondo Stichting lo
atende un campo di entrenamento serca e ex- campeon mundial di taekwondo y actual entrenador Henk
Meijer cu varios biaha caba riba invitacion a bishita Aruba. Mester bisa cu den e campeonato di G2,
coach Henk Meijer lo guia e cuater atletanan di Aruba den nan combatenan. E Open di Korea ta como
preparacion pa e competencia Panamericano di taekwondo cu lo tuma lugar na Costa Rico y aki e hoben
Zahyon Klaber ya a clasifica. Na airport miembro di e directiva di Lotto pa Deporte, sr. Flavio Faneyte
hunto cu presidente di Aruba Taekwondo Bond, Dr. Guaicaipuro Jimenez a despidi di e atletanan di
Brazil Taekwondo Stichting. E deporte di taekwondo ta uno cu den e ultimo anjanan a bira masha
popular na Aruba y ta representa nos isla dignamente den exterior. Nos top-atletanan, dirigente y
refereenan di taekwondo ta gosa di un bon reputacion na nivel internacional unda cada un di nan ta
wordo reconoci pa e bon ttrabou desplega. Mester tuma ehempel di e federacion di taekwondo cu ta bin
ta trahando duro na bienestar y exito di nan deporte. Hopi exito na e atletanan atletanan Jourdé Klaber,
Joshua Klaber, Záyhon Klaber y Danon Delamore,di Brazil Taekwondo Stichting den e campeonato G2
na Sur Korea.

Lotto ta felicita tri-atleta Renze Postma cu su triunfo den e 31
edicion di e Aruba International Triathlon

Tuesday, 27 June 2017 09:46
Comparti

Diadomingo ultimo nos dushi isla di Aruba tabata anfitrion di un otro evento deportivo internacional cu
e di 31 edicion di e Aruba International Triathlon 2017. Mester bisa cu e elenco di atleta tabata grandi
unda varios tri-atleta di principalmente Venezuela a bin competi contra di nos propio tri-atletanan.

E anja aki sigur e competencia no tabata uno facil mirando e biento duro y e tempo cu tabata bastante
calor. No obstante di esaki, nos tri-atleta elite Renze Postma no a laga ningun duda cu actualmente e ta e
miho tri- atleta na Aruba ora e ta supera lo demas competidornan cu casi 10 minut di diferencia. E atleta
Postma merecidamente ta gana di 31 edicion di e Aruba International Triathlon. E tres bes Atleta di Aña
Local di Aruba ta supera su tempo di aña pasa cu casi cinco min. Aña pasa Postma a finalisa den 2.02.09,
mientras e aña aki e atleta Renze Postma ta yega den un tempo di 1.57 34. For di comienso te final, Renze