Page 42 - KPA 24Jan'15
P. 42
Diabierna anochi polisnan a wordo manda cu urgencia den direccion di Valero Savaneta. A drenta
informacion cu un auto a dal un peaton y sigui core. Polis di San Nicolas y tambe polis di trafico a yega
mesora na e sitio.
Eynan a topa un homber benta riba caminda y no tabata reacciona. E tabata herida cu sla na cabez y tur
sushi. Ta parce un hende cu auto a pasa riba dje y sigui bai. Algun persona eybanda ta bisa cu nan a mira
e victima ta cana zig zag riba caminda un rato prome. Ora cu a loggra lanta e victima e tabata tin tambe
un boter di nightrain hunto cune. E persona herida a bai hospital pa asina e wordo atendi riba e
heridanan. Un hefe di departamento di trafico a presenta na e sitio tambe pa duna un man cu e
investigacion. No tin informacion cual auto a pasa riba e victima y sigui core.
