Page 31 - UTILITIES

Minister Benny Sevinger: Tur Arubiano tin derecho riba un
tereno

Monday, 05 June 2017 22:26
Comparti

Minister Benny Sevinger a splica cu e contrincantenan politico ta desespera. Nan ta mirando cu AVP ta hibando un
campaña, pueblo ta reaccionando positivo cu e campaña di e partido pa e trabao cu a wordo haci durante e ultimo 8
añanan y den esey por mira cu e desesperacion ta birando mas grandi di e contrincantenan. No tin ningun
argumento pa trece den pueblo.

Por a tendenan papia riba un proyecto y kico nan ta bay haci. E forma cu nan ta kere cu nan por trece Gobierno den
un desbentaha ta bin cu cosnan cu no ta cuadra pa nada. A bisa prensa hopi biaha, si kier mira cuanto tereno un
hende a haya, ta liber pa bay kadaster y busca den hypotheek kantoor cuanto tereno un persona a haya. Pero si kier
bay tras di un corant, cu ta bisa cu hende a haya 1 miyon, 2 miyon na tereno, no lo keda cla pasobra nan ta keda bisa
otro.

E minister no por reacciona riba cosnan cu no ta berdad. Nan por keda bisa esey y nan lo keda bisa esey for di awo te
eleccion. Esey ta e parti di e forma con nan ta hiba politica di purba di susha nomber y pa wak si nan por haya voto
den e forma ey.

Tur Arubiano tin derecho

Peticion tur hende por haci y tur tin derecho di haya un tereno los di ki color ta. Si e bay saca tur esunnan cu a duna,
integrantenan di MEP, nan ta 10 pa 20 biaha di loke otro personanan a pidi. Esey nan tabata tin derecho riba dje. Sr.
Nel Oduber mes a duna 3000 meter cuadra, Dangui Oduber tambe a dun'e 3000 meter cuadra, tambe tin ruman e
tin 1000 y pico reserva, cual nan tin derecho riba dje. Como ciudadano Arubiano nan a pidi pe y nan ta hay'e.

No tin privilegio

Un minister no por privilegia ningun hende. Si bo no cumpli cu ley y tur e normanan cu ta bin den un peticion, bo ta
hay'e. Si bo no ta cumpli, bo no ta hay'e. Asina facil e ta. Y si e tereno ta disponibel y ta wordo acorda pa e programa
di partido, si bo tin derecho, bo ta hay'e. No por privilegia ningun hende. Den e ministerio di Sevinger, no ta parti di
dje. Tur hende cu yega, e tin derecho, no obstante e color politico.