Page 12 - MIN ON 17 OCT 2015

AWEMainta Diasabra 17 Oktober 2015 25

Minister Paul Croes:

Estudio ta mustra 1
di cada 2 mucha ta
wordo geter (bully)

UN estudio realisa pa Telefon pa Hubentud 131, Central

Bureau di Estadistica (CBS) y SKOA a mustra cu e situa-
cion na Aruba pa locual ta “bullying” ta preocupante.
Compara nos cifranan cu Hulanda y Merca, Aruba su
indice di termento ta mas halto.

“Un estudio cu a sali for di un coperacion importante
entre e tres organisacionnan aki. Un ehempel pa
henter e tereno social siguramente. Un estudio cu
ta duna nos e informacionnan necesario pa crea
maneho dirigi rib’e prevencion y consientisacion
contra termento na scol y den nos comunidad”,
Minister Paul Croes di Hubentud a bisa.

“Nos muchanan merece proteccion na unda
cu nan ta. Nan derechonan mester wordo
respeta segun tur ley y tratadonan inter-
nacional. Lamentablemente termento
ta keda kibra e derechonan aki di nos
muchanan. Y nos mester hunto sigi
bringa e fenomeno aki”, Minister Paul
Croes a bisa.

Minister Paul Croes (Asuntonan Social
y Hubentud) hunto cu su colega Minister
Michelle Hooiboer Winklaar (educacion) a
presencia e resultado di e estudio y e programa
cu diferente maestronan a sigui p’asina combati
e fenomeno di “bullying” na scol.
56% di muchanan a mustra di ta wordo geter na
scol. Tambe e resultado di e estudio a mustra cu
no ta solamente dor di otro muchanan sino tambe
dor di un adulto nan ta wordo geter (20%).

“Mi ta kere cu si nos kier sigi baha e cantidad di
muchanan cu ta wordo geter, mayornan for di cas
mester siña nan juinan rib’e consecuencianan negativo
cu termento tin rib’e victimanan. Tin
casonan conoci cu resultadonan
fatal pa motibo di bullying, y esaki
nos mester sigi combati y preveni.
Pabien na CBS, TpH y SKOA cu
tremendo programa contra ter-
mento”, Minister Paul Croes a
conclui.