Page 24 - AWEMAINTA

24 AWEMainta Diamars, 8 Augustus 2017

Candidatonan di POR a haya nan number riba lista

DIAHUEBS anochi candidatonan di Pueblo Orguyoso y Respeta
(POR) a reuni na Centro di POR na Pavia pa ricibi nan number
riba lista di partido. Manera a indica na diferente ocasion, E Forsa
Nobo, e number no ta determina e posicion di e candidato a base
di su number, sino e cantidad di voto cu e candidato ricibi.

Diahuebs anochi a tuma lugar Conseho di Partido unda cu cada
candidato a firma nan number p’e lista oficial di partido Pueblo
Orguyoso y Respeta cu a wordo entrega diabierna.
E proceso di trahamento di lista di POR no a bin ta tuma lugar
den e siman aki.

Segun lider di POR, Otmar Oduber ta splica e lista a wordo forma
basa riba e contenido di Plan di Accion cu ta encera preocupa-
cionnan di comunidad. Pues un pa un a keda busca candidatonan
pa uni n’e famia di POR, cual a keda wordo lansa tambe durante
diferente conferencia di prensa di POR.

E lista di POR ta refleha e profesionalnan cu lo traha riba e diferente
puntonan di atencion cu a wordo treci dilanti dor di pueblo, cual ta
locual cu POR lo enfoca riba dje tambe den e proximo gobernacion.
E entregamento di number a bay den bon ambiente y cada candidato
a firma prome cu a ricibi nan number tambe, e protocol cu ta indica
cu esun cu ricibi mas voto realmente lo ta representante di pueblo.