Page 55 - MIN SOC 25 AUG 2015

AWEMainta Diamars, 25 Augustus 2015 19

Minister Paul Croes a anuncia:

Gobierno lo pone
Awg. 30.000 pa
Mary Joan
Foundation

DURANTE e evento di recaudamento di fondo pa Mary Joan

Foundation, Minister drs. Paul Croes di Asunto Social a anun-
cia den su discurso cu Gobierno di Aruba a haci un ehercisio
financiero y ta bay aloca e suma di Awg. 30.000,- pa Mary Joan
Foundation.
Tin tareanan social cu e fundacion ta desplega y Gobierno kier
apoya e fundacion den e trabou aki.
E apoyo na victimanan di cancer na pecho y tambe nan famianan
ta keda importante. Cu e apoyo aki, e Fundacion lo por concentra
mas riba e tarea principal di e fundacion.
Lo formalisa e subsidio aki den transcurso di e simannan nos
dilanti p’asina bay cu esaki Parlamento di Aruba den tratamento
di presupuesto.
Minister Paul Croes di su banda tambe a haci un esfuerso den
comercio p’asina logra haya e bunita suma di 7500 florin pa Mary
Joan for di Caribbean Mercantile Bank y tambe e hobennan di
Poder di Hubentud conhuntamente a colecta un poco mas di
Awg. 3,000.00.
Minister di Asunto Social drs. Paul Croes lo sigui busca forma pa
apoya nos fundacionnan cu meta social na Aruba.