Page 46 - EXTRA

46 Djaweps 14 Aprel 2016

NA LUGA DI SOSEGA NA PAS
INVESTIGA
KRIMEN PISA
A PERSIGUI
POLITIKO KU
NO TA NA SMAK
DI ULANDA

WILLEMSTAD. - Anthony
Eustatius a mustra dikon e
forma kon Tweede Kamer a
atendé ku Kòrsou pa loke ta
trata leinan di Konsenso i
sigur e leinan di Konsenso
di Polis ta manera bakoba
pa kue makaku, el a splika
ku a primintí a base di
lei “Gemeenschappelijke
Voorziening Politie”,
(GVP), pero nunka e GVP
a keda instituí. Na su
lugá den e kambio di lei
a bini ku RST (Recherche
Samenwekingsteam). E
loke ku por a opservá na
opinion di Eustatius ta mas
likidashon i un oumento
bárbaro di krímen pisá. RST
a opta pa persekushonnan
polítiko kontra sierto
polítikonan ku no ta kai na
e smak di Ulanda.

Den artíkulo 57a a saka
e hefe di kuerpo di Kòrsou
for di e grupo di konseho
(adviesgroep) i na su lugá
a instituí e “teamchef” di
RST. E echo ku nunka e GVP
a keda instituí, ta nifiká
e “teamchef” di RST so a
keda fiesta den e grupo
di konseho, Eustatius ta
remarká.

RST a tuma tambe den e
kambio, e tarea di GVP ku ta
investigashonnan manera
ta ankrá den artíkulo 8, esta
krímennan serio, krímennan
ku ta krusa frontera etcetera.
Mas aleu a regla ku RST
ta responsabilisá su mes,
solamente na e minister
di asuntunan interno di
Ulanda i relashonnan di
reino.

Esaki ta nifiká ku si
wak bèk den e 5 añanan
ku a pasa, krímennan
serio a subi barbaramente,
likidashonnan di hende a
subi i no ta keda solushoná.

Kiko RST a base di e lei di
konsenso aki a sirbi Kòrsou
kuné”, Eustatius ta puntra.

Tur loke RST a hasi
durante e 5 añanan aki ta
persekushonnan polítiko
kontra sierto polítikonan ku
no ta kai na smak di Ulanda.