Page 57 - KPA 18 NOV 2015

Atrobe atraco arma riba Negro Diamante Lottery

Publication: Wednesday, 18 November 2015. Categoria: Policial
a bay cu hopi placa un biaha mas

ORANJESTAD(AAN): Tur cos ta mustra cu e mesun atracador a bolbe hit Negro Diamante
Lottery na Kudawecha. E atraco a tuma lugar net prome cu 9 or ayera anochi.
Mesun señora tabata trahando y net el a caba di cera su caha.
E atracador cu mascarada berde a drenta e negoshi cu un arma shinishi den su man.
El a exigi placa y djey a menaza di lo tira si e señora den e negoshi haci cualkier movecion
straño.
E mesun señora aki tabata trahando biaha pasa tambe algun luna pasa ora a tira e atraco.
Te hasta el a splica cu ta parce mesun persona cu apariencia hoben.
Su arma di candela color nickel el a apunta riba e victima.
Polis a yega mesora y tuma prome declaracion.
A bay cu benta di dos Loteria di catochi cu ta wordo bende na Negro Diamante, pero e placa di
benta di Lotto cu e pot halto si a keda atras e biaha aki.
Despues e atracador a huy den e mondi.
Polis a cuminsa tira bista cu varios unidad pa mira si por a topa cu e atracador hoben aki.
E atraco cometi algun luna pasa tabata tin un detencion pero despues no por a prueba cu ta e
atracador y a lage bay. Awor e atracador aki ta casi 100% cu ta mesun di biaha pasa.
Esey kiermen cu e no a sinta su castigo of a wordo gara relaciona cu e atraco anterior. Un biaha
mas atraco team a wordo avisa pa bin tuma datonan di esnan envolvi.
http://www.diario.aw/2015/11/atrobe-atraco-arma-riba-negro-diamante-lottery/