Page 12 - MIN VOS 26 JUNE 2017
P. 12
- Advertisement -
Vocero Policial Lito Lacle:ORANJESTAD (AAN) – Vocero Policial, señor Lito Lacle, a
confirma den entrevista cu Matutino DIARIO cu tin basta arma riba caya y segun e
rapportnan cu tin Polis ta basta proactivo riba caya.El a agrega cu nan ta colabora pa
duna sosten na otro y ora mester nan tur ta bin hunto pa haci forza. Berdad ta asina cu
e ultimo lunanan aki, polis a intercepta basta arma riba caya y e ta kere cu autoridad
mester haci algo extra, pa impedi cu tanto arma sigui circula riba caya.Lito Lacle a
subraya cu cada arma cu nan intercepta ta un atraco menos cu ta wordo haci.Pa KPA ta
hopi mas importante pa impedi cu un atraco tuma lugar y e manera pa haci esaki ta
kita e arma for di riba caya, locual ta primordial na e momentonan aki.Con pa logra
esaki ta cu ayudo di pueblo. KPA mester ayudo di comunidad, y el a acentua cu
criminalidad no tin color politico, e ta un asunto di nos tur.Vocero policial a subraya cu
70 porciento di e casonan cu a wordo resolvi ultimamente ta danki na e cooperacion di
pueblo cu Cuerpo Policial, no solamente den casonan di atraco, pero den casonan di
arma haya den auto.Lacle a acentua cu ta masha importante pa comunidad yama e tips
line di KPA cu ta 11141 y laga e informacion atras. E ta conseha cu e persona cu yama
cu pa haya e informacion completo tambe laga su number di telefon, pasobra e ta un
departamento cu ta garantiza cu e informante ta keda anonimo.
Aworaki mes tin un par di hende cu polis ta sigui busca. Pues, informacion di e pueblo
ta hopi importante pa Polis por pone man riba e hendenan aki.
Informacion relevante pa Cuerpo Policial ta haya sa unda e denunciante ta biba, con el
a yega na informacion cu e tin arma, y ta importante pa polis sa cu e persona aki so, sa
e informacion pasobra su bida ta prome cu e arma. El a reitera cu nan ta garantiza cu e
denunciante ta keda “anonimo!”
Homber for di tino y herida y muher morto
haya den cas na St. Eustatius