Page 61 - MIN VOS 26 JUNE 2017
P. 61
AWEMainta Dialuna, 26 Juni 2017 33
Nan ta cla
RCA Goes Disney 2017
DIASABRA atardi e grupo RCA Goes Disney 2017 a bautisa nan uni-
form, patrocina pa Delta Blue/Toshiba cu lo wordo usa proximamente
na Orlando. Florida.
Pa di 5 biaha coach Rafael Vanegas di RCA lo ta biahando cu hunga-
dornan hoben den e deporte di futbol pa Orlando, Florida.
Caminda cu na aña 2012 RCA a termina na di tres lugar ganando nan
trofeo y medayanan di brons entre 168 clubnan mundial cu a participa
n’e torneo mundial.
E aña aki nan lo ta participando un biaha mas n’e Copa Mundial aki
cu ta pa hobennan di edadnan di 7 te cu 17 aña, organisa pa Disney
World y ESPN.
E biaha aki RCA Goes Disney 2017 encabeza pa coach Vanegas lo ta
participando cu dos team cu ta U9 y U14.
Nan lo ta saliendo for di Aruba dia 7 juli awor, mientras e apertura lo
ta dia 9 juli y e weganan mes lo cuminsa dia 10 juli y lo termina dia 16
juli y ta wordo hunga riba tereno di ESPN.
For di aña pasa october e comision di RCA Goes Disney hunto cu may-
ornan di hungadornan a cuminsa cu actividadnan pa recauda fondo pa
por realisa e biahe aki. A wordo organisa koffiemorgen y Bingo p’asina
nan gastonan por wordo cubri.
Diasabra fuera di bautisa nan uniform tambe nan ta sera nan activi-
dadnan cu sorteo di un rifa. Di cual comision, hungador y mayornan
kier a gradici cada un persona, companianan cu a aporta cu sponser y
donacionnan p’asina e meta principal di hiba e hobennan aki experencia
nan deporte faborito pafor di Aruba, un realidad.
E sorteo a tuma lugar den presencia di comision, mayornan y tambe mr.
Edwin Duijneveld. Na tur ganador pabien cu boso premio y n’e pueblo
di Aruba cu a aporte cu e grupo aki nos ta yama danki di curazon.
Miembro di comision lo tuma contacto cu cada ganador pa por haci
entrega di e premionan of por tuma contacto cu nr di telefon 735-6767.
