Page 27 - ATA

Ministerio di Infrastructura y Medio Ambiente ta traha a base di principionan di integridad y
transpariencia poniendo e ser humano central. Pa e motibo aki kier duna di conoce na
comunidad, kico ta e maneho di e kioskonan na Welcome Plaza.

Intencion di Welcome Plaza ta y semper tabata pa eleva e producto turistico di Aruba por medio di
desaroyonan infrastructural y creacion di un ambiente pa promove e aspecto autentico di Aruba. Cu
meta pa haci Aruba mas atractivo y mustra nos bishitantenan (entre otro) caracteristicanan di nos isla.

Kier logra esaki primordialmente por medio di promove trabou di artesanonan local cu nos Pais
conoce.

Criteria di seleccion

Pa locual ta e maneho di kisoskonan estableci, e ta basa riba un criteria di seleccion unda cu ta wak si

cada individuo ta cumpli cu e criterianan aki. Ta evalua e tipo di producto cu ta wordo bendi y ta
wak si e persona tin un seyo conforme e reglamentonan di e comision di seyo cu ta bou di encargo di

Departamento di Cultura. Banda di esaki personal di DIP tambe lo haci un evaluacion segun
criterianan di UNESCO cu ta enfoca riba artesanonan y artesanianan pa wak si e persona en cuestion
ta e mihor prsona pa opera na Welcome Plaza.

E maneho di e kioskonan di Welcome Plaza ta dirigi tambe riba e aspecto di seguridad y orden

publico den e area. Tur persona cu tin un kiosko den un forma legal, lo wordo atendi riba su derecho
y responsabilidadnan. Pa sigura cu cada local cu ta recrea den e area, ta sigur cu e por haci e trabou
den un forma sano, cu respet y ordena.

Pa conclui, e maneho aki ta dirigi riba e artesano local, pa e por trece Aruba su cultura mas cerca di
nos bishitante, elevando nos producto turistico, cooperando cu bienestar di e artesano y di Pais
Aruba.