Page 86 - KPA MAY 11,2015

Polis atento atendiendo accidente a descubri
armanan di candela y cuchiu den e auto
accidenta

1 DIA PASA , 9 DI MEI 2015 10:03

SECCION: INCIDENTE

Diasabra mainta a drenta informe di un accidente cu hendenan herida dilanti di Radisson Hotel,
mesora a dirigi tanto polis como ambulans na e sitio. Na yegada di e patruya a bin compronde
cu aki ta trata di un accidente entre un Nissan Sentra y un bus di Arubus. E chofer di e Sentra
tabata bayendo nort cu un velocidad hopi duro y a bay na e banda robez di caminda y a dal riba
e bus desvia bay dal riba e balanan grandi poni na banda di caminda. Tur 3 persona den e
Sentra a resulta herida como tambe e chofer di e bus. Ora polis tabata atendiendo e accidente
y a nota un di e victimanan actuando un poco sospechoso e polis a yega un poco mas cerca y a
nota algo parecido na un pistol y a confisca esaki mesora y a detene e victima ey. Polis pa mas
seguridad a bay over na listra mas profunde den e auto y a haya un otro arma y tambe un
cuchiu. Na e momentonan ey a detene tur 3 victima aunke nan ta herida. Polis a confisca e
vehiculo tambe. Na yegada di e ambulansnan nan a atende e victimanan y a transporta nan pa
hospital cu escolta policial.
http://www.awe24.com/r21729

Pareha turista levemente herida den un
accidente a nenga atencion di ambulans,
pasobra nan mester paga