Page 15 - Flip Min.On

MinOn

http://www.24ora.com/local-mainmenu-5/91632-lectura--e-cas-bibo-awa-fuente-eficiente-na-
biblioteca-nacional-aruba-pa-vwo-klassen-5-di-colegio-arubano

Lectura “ E Cas Bibo: Awa, Fuente Eficiente” na Biblioteca Nacional Aruba pa V.W.O. klassen 5 di
Colegio Arubano

Tuesday, 10 February 2015 10:00

Comparti

Dia 4 di februari ultimo, Biblioteca Nacional Aruba a organiza pa di dos biaha e lectura “E Cas Bibo: Awa,
Fuente Eficiente” pa 120 alumno- y maestronan di Voorbereidend Wetenschapelijk Onderwijs (V.W.O.)
klassen 5 di Colegio Arubano na Oranjestad.

Sr. Ryan Oduber di Media dienst di Biblioteca Nacional Aruba a haci e introduccion di e oradornan invita.
Sr. Ronny R. Alders, funcionario di Biblioteca Nacional Aruba y Coordinador di Green Education
Symposium/Green Education Project di Biblioteca Nacional Aruba a presenta e speech cu e titulo “ The
National Library of Aruba goes Green!”, Srta. Christie Mettes y Sr. Tony Sevold di Metabolic Foundation a
duna e speech cu e titulo “Low-tech Collection and Treatment” y Ing. Tilo Dabian, funcionario na Santa
Rosa a duna un speech over Hydroponics. E oradornan invita a haci uzo di Prezi y despues di e
presentacionnan e alumnonan tabata tin e oportunidad pa haci preguntanan durante e Q & A session. Mas
lecturanan lo sigui prome y despues di e IV Green Education Symposium Aruba 2015 di Biblioteca
Nacional Aruba. Sr. Alders a coordina e lectura aki pa e alumnonan di V.W.O. di Colegio Arubano. Media
dienst di Biblioteca Nacional Aruba a filma e lectura aki pa metanan educativo y investigacion. Un danki
special pa Rector Jossy Tromp di Colegio Arubano, Sra. Astrid Britten, Director di Biblioteca Nacional
Aruba y Sra. Zaida Everon, docente di Colegio Arubano.