Page 10 - MIN ON

Ya desde Censo di 2010 caba tawata tin indicacion cu mester un extra Mavo/Havo/VWO na Aruba.
Gobierno a haci promesanan en vano, cu nan lo construi un Mavo/Havo/VWO na NOORD cu ta e
bario mas logico pa pone den dje. Nos populacion a crece astronomicamente di 60.000 den e aña 80

pa aworaki cu ta casi 120.000 habitante. Cifrasnan di CBS di 2010 ta mustra cu na NOORD so caba
tin 164 MAVO advies pa aña. Esaki ta sin conta esnan di PARADERA cu tambe ta un bario cu a bin
ta creciendo.

E articulo den prensa ta reitera cu e dependance ta un decicion AD HOC pa resolve un problema cu
aproximadamente 190 alumno no por haña lugar pa bai un MAVO. Ja caba SKOA ta premira cu pa
aña escolar 2019-2020 tambe lo tin un scarcedad pa 200 alumno di MAVO.

Esaki un biaha mas ta haci duidelijk cu mester un MAVO/HAVO/VWO na NOORD y cu enseñansa

tin cu bira prioridad number 1.

Tambe e articulo ta haci mencion di un plan di SKOA pa construi un extra MAVO school. Esaki ta

demostra cu no tin union entre SKOA/DPS y gobierno, paso nan no tin synergia den plannan pa
futuro di nos enseñansa na Aruba.

Un cos ta mas cu bisto. Na Aruba nos no ta actua preventivo sino reactivo. Awor cu e baca a hoga,
kier bin cu solucion AD-HOC.

Hopi hede ta preocupa cu e criminalidad na Aruba, niun hende ta sintie sigur mas. Sinembargo, si bo
drecha e problemanan social y haci inversionnan necesario den enseñansa, criminalidad lo baha
como un ‘ripple effect’ di esaki.