Page 23 - AWEMAINTA

AWEMainta Diabierna, 25 Augustus 2017 23

Aruba Certification

Program ta organisa

sesion specialmente

pa ehecutivo

RIBA 22 di augustus 2017, e team di Aruba Certi-
fication e programa di certificacion crea netamente
cu pensamento cu e balor humano ta esencial den
sector turistico, a organisa un sesion interactivo pa
ehecutivonan den sector turistico y esnan cu tin
conexion cu esaki.

Den e sesion aki a duna informacion sumamente
importante tratando producto Aruba, tanto conoce-
mento di e producto aki y tambe ideanan treci dilanti
door di e ehecutivonan con pa mehor’e. E tema aki ta
sumamento importante pa e team di Aruba Certifica-
tion; a base di e informacion ricibi lo crea un curso pa
ehecutivo, unda lo duna nan e hermentnan necesario
p’asina por keda inverti den nan capital humano
di nan compania. No solamente companianan den
sector turistico pero cualkier compania riba nos isla.

Un di e puntonan escencial cu a wordo treci dilanti ta
cu hopi e conocemento di Aruba, su historia y cultura
no ta tur ora mesun presente cerca tur hende.
Netamente esnan cu ta bin den contacto cu nos bishi-
tantenan ta e personanan cu mester tin e informacion
aki corecto, pero ta resulta hopi biaha di ta un reto.
Esaki ta unda e balor agrega di un programa manera
Aruba Certification Program ta demostra su balor.

Un pregunta clave durante e sesion aki tabata; “con
por promove un producto cu un persona no conoce?”
Durante e presentacion a elabora extensamente rib’e
balor agrega di tin informacion corecto y consistente
di Aruba.
E team completo di Aruba Certification Program ta
extende un palabra di gratitud na tur esnan cu a duna
nan aporte na e sesion interactivo y informativo teni
na ATIA.

Ta invita un y tur pa sigui e medionan di comuni-
cacion pa mas informacion relaciona cu e programa
ehecutivo di Aruba Certification Program por medio
di e website www.acp.aw y pagina di Facebook.