Page 54 - MICHELLE WINKLAAR FEB 4

Diarazon mainta un conferencia di prensa a wordo yama pa SKOA pa splica mas di kico ta e motibo cu mester hisa
e schoolgeld. Directora di SKOA, Jossette Saal a splica kico ta e idea tras di e placa cu ta bay cobra entrante 1 di
Augustus 2015.
Daal ta sigui splica, awor aki e schoolgeld, entrante e fecha menciona, pa tur scol di SKOA ta bira Afls. 250,-. Esey
ta encera cu un parti di dje ta pa actividad di scol, un parti di dje ta pa mantencion di e scol y un parti di dje ta pa por
usa pa por duna e maestronan om en bijscholing. SKOA ta pensa cu esey ta importante, mirando cu tin desaroyo cu
ta sosode riba tereno di enseñanza, y ta importante pa duna e docentenan bij y na scholing.
Un tiki riba e parti di mantencion, Daal a splica cu na varios ocasion, specialmente durante aña escolar aki, scolnan
di SKOA, primordialmente a wordo bishita y ta bay cu tuberia di awa, cual ta costa basta cen y pa continuidad di
enseñanza, SKOA ta financia tur e cosnan aki y pa e scol por sigui normal.
Fuera di esey, Daal kier a enfatisa tambe cu awor aki cu SKOA ta pidi e suma di Afls. 250, – cu ta encera cu
mayornan no tin nodo di aporta cu ningun cen mas na scol.
Di un otro banda, Daal a comenta cu motibo tambe ta cu e placa di subsidio no ta alcansabel mas. Esey tambe ta un
factornan cu a pone cu directiva di SKOA a tuma e decision di alinea e aumento aki. E ta den e structura nobo di
SKOA. Kier trece richtlijnnan duidelijk y claridad y un di e factornan ta tambe ta costonan di subsidio.
Por mira cu for di aña 2004 y si mira e aña 2014, e ta mesun cos practicamente. Esey ta nifica cu na aña 2014,
SKOA ta haya un subsidio cu ta eigenlijk mesun subsidio, mesun suma di aña 2004. Mirando cu ta 10 aña di
diferencia, por compronde cu e placa di subsidio no ta alcansabel pa por duna un enseñanza di calidad. Daal a splica
cu na 2014, SKOA a ricibi 80% di su subsidio. Eynan por a compar’e cu 2004.
Esey ta un di e motibonan cu directiva di SKOA a dicidi di tuma e decision di ahusta e schoolgeld aki, Daal a
comenta.
Mas leu Daal a splica riba e noticia di minister di enseñanza, SKOA no tin problema pa sinta na mesa pa papia cu
gobierno pa asina yega na cierto afspraak. Un otro cos importante ta cu e minister ta pone berdad den su carta cu
SKOA ta cana un tiki atras cu su jaarrekening, pero alabes mester participa cu SKOA tin un jaarrekening di 12 aña
largo entrega y nunca a bin un verrekening riba esey.
SKOA no tin problema pa sinta cu e minister pa yega na cierto comprondementonan.
SKOA ta un instancia subsidia pa gobierno pa 100%. Gobierno ta duna 90%, cu ta nifica cu 10% e instancia ta
schiet e voor. Na entrega di e jaarrekening e 10% ta wordo verrekend.
SKOA a enrega jaarrekening 1998 te cu 2010, cu ta 12 aña y ainda SKOA ta warda e verrekening di 10%. SKOA a
draai su instancia cu 80%. Esey tin su consecuencianan den e scolnan. Scolnan cu cierto materialnan cu ta di suma
importancia, mester a cremencha riba dje. Esey ta nifica cu scolnan no tabata tin tur e materialnan necesario cu ta
importante pa a duna un enseñanza di calidad, segun Daal.