Page 12 - DESPA

ta wordo afecta cu demencia, segun dr. Maritza Ordoñez di Departamento di Salubridad

Publico.

E ta sigui splica cu demencia tin diferente causa y diferente malesa por duna demencia.

Pero Alzheimer tin un 60 pa 70% cu e persona por haya demencia. Lo mas tristo ta cu

Alzheimer, una bes cu e pashent ta afecta pa e malesa aki, bo ta haya confronta cu

perdida di memoria. E memoria por ta cortico of e por ta un memoria largo.

Cu esaki kiermen cu e memoria cortico ta cu 10 minuut pasa bo no ta corda kico bo a bisa

of kico bo a haci. Cu memoria largo ta manera fecha di nacimento di algun persona cerca
of di bo mes. Eventonan asina. Ordoñez a splica cu tambe ta wordo confronta cu perdida

di e capacidad di papia, pa corda of haci tareanan chikito. Un tarea di 1+1 ta 2 of haci un

respondi. Tambe ta wordo confronta cu persona cu por ehempel tur dia ta bay cumpra un

corant, of bay algun caminda y dado momento a perde su direccion, no sa unda e ta para.

E ta perdi den tempo y espacio.

Alzheimer ta un realidad y no ta un malesa nobo. Alzheimer tin 111 aña di existencia. For

di 1906, un psikiatra-neurologo Aleman a discubri’e y te cu awor aki lamentablemente no

tin cura.

Na mundo tin 47 pa 48 miyon di hende cu ta sufri di demencia. Cada aña entre 7 pa 8

miyon di persona ta haya demencia. Mirando cu Alzheimer ta un 60 pa 70% ta hopi. Mas

dramatico ta cu cada tres minuut, un persona riba mundo ta haya demencia. Esey ta tristo,

segun dr. Ordoñez.