Page 18 - AHATA

Aruba Tourism Authority a tuma nota di diferente publicacion referente aporte pa cu

Team Aruba. A tuma nota di diferente discusion cu a surgi rond di e topico aki y di e

hecho cu a combina e topico aki cu diferente otro pensamentonan referente maneho di

Aruba Tourism Authority. A.T.A. no ta opta pa drenta den discusionnan cu ta considera

di tin indole politico, sinembargo a dicidi, pa medio di esaki, aclaria lo siguiente,
sperando cu e ta brinda claridad na un manera imparcial.

Patrocinio Team Aruba no ta continua

A.T.A. a base di decision di Minister di Turismo, cu nos ta consciente cu Minister a

indica publicamente tambe, no ta continua cu aporte pa cu Team Aruba entrante 2018. Ta

asina cu A.T.A. a bin ta duna su aporte a base di analisisnan haci, a base anual, na Team

Aruba for di aña 2011. Anterior na esaki AHATA tabata carga e patrocinio aki.

Conforme procedura legal aplicabel pa A.T.A. ta evalua peticionnan, analisa y presenta

esakinan, den casonan unda procedura y ley di A.T.A. ta rekeri esaki, ta presenta esaki na

Hunta di Supervision pa aprobacion. Consecuentemente esaki ta sigui su caminda pa

Minister di Turismo, kende tambe mester duna su aprobacion.

Team Aruba a ricibi notificacion oficial di e descontinuacion awe, 24 di juli 2018. Aki

mester bisa cu na maart e aña aki ya caba a indica na Team Aruba cu no lo continua. E

ekipo a sigui haci su esfuerso pa sigura e patrocinio y como tal esaki a yega na Minister

di Turismo recientemente, kende na su turno a comunica su decision tambe. A.T.A. ta

gradici Team Aruba pa e relacion di trabou for di 2011 y ta desea Team Aruba hopi exito

cu plannan actual y cu esunnan pa futuro.