Page 57 - KPA, APRIL 14,2015

Famia a topa cu menor di edad
secuestra
Tuesday, 14 April 2015 12:14
Comparti

Un mucha muhe di 15 aña bayendo un scol MAVO na Oranjestad no a yega cas merdia pa cual su famia a
cuminsa preocupa. Pio ainda cu den oranan di atardi a señala e hoben subiendo un auto na altura di
Morocho Supermarket, y segun testigonan, a nota un homber ta maltrat’e y fors’e subi contra su gana.
Asina a start un buskeda, hunto cu Polis, pero no a logra topa cu e hobencita aki. Mas o menos 1:00am,
famia mes a bin topa cu e auto para na altura di e heki di Aeropuerto y den cual a topa cu e homber y e
menor di edad. Polis a yega mesora y a bay cu e homber Warda di Polis pa mas investigacion mientras cu
a hiba e mucha muhe hospital pa un chekeo medico. E investigacion ta continua awor, pero famia ta
insisti cu aki ta trata di un caso serio di secuestro di un menor di edad, pa cual nan ta spera cu
autoridadnan lo sa di atende e asunto cu e grado di seriedad necesario pa evita ripiticion.

http://www.24ora.com/policial-mainmenu-8/94055-famia-a-topa-cu-menor-di-edad-secuestra