Page 3 - RDA_Neat

6 AWEMainta Diasabra, 16 September 2017
Banco Central di Aruba
Ta adverti publico cu tin
biyete falso di 100 florin
FALSO
BANCO Central di Aruba (BCA) ta informa e publico
en general cu recientemente a constata cu tin biyete
falso di 100 florin den circulacion. E falsificacion aki
tin e debido atencion di BCA.
Ta importante p’e publico keda alerta y pone bon at-
encion riba e siguiente informacion y e diferencianan
entre e biyete legitimo y esnan falsifica.
Por nota cu tur biyete falsifica haya te awor ta visibel-
mente falso. E biyetenan falso ta copia riba un papel
di calidad inferior y e colornan tambe ta di un calidad
inferior.
E biyetenan falso tin como number di serie 0822322538
y 0836336552.
E biyetenan falsifica aki no tin e watermerk di electro-
type y no por wak e logo di BCA den e watermerk.
Ora tene e biyete contra luz mester bira visibel e dibuho
di e Watapana/Divi-Divi den tononan cla y scur den e
papel. E Watapana/Divi-Divi riba e biyetenan falsifica
ta imprimi directamente riba e papel, y dor di esey e
tononan cla y scur no ta visibel.
E folie di plata riba e biyete falso no ta optimalmente
lombrante ni visibel. E hilo di seguridad na e banda
dilanti di e biyete ora bo ten’e contra luz no ta bira
visibel manera t’e caso den e biyete legitimo.
Conforme e ‘Wetboek van Strafrecht’ di Aruba persona
(nan) haya culpabel di falsificacion di biyetenan di
florin por haya un sentencia penal di maximo nuebe
aña di prison.
Foyeto tocante e caracteristicanan di autenticidad di
e biyetenan di florin ta obtenibel na Banco Central di
Aruba y riba e website di Banco Central di Aruba (www.
cbaruba.org), como tambe na tur banco comercial.
Pa mas informacion por tuma contacto cu Departa-
mento di Kas & Kluis di Banco Central di Aruba na
telefon 525-2139 / 525-2141.
E algae cu ta bay wordo
produci na Aruba ta yama
Spirulina Arubensis
DURANTE un ceremonia special riba tereno di Refineria di Aruba a tuma
lugar apertura di e Lab y Museo di cultivo di microalgae cu ta un pilot project
di Gobierno, TNO, Refineria di Aruba hunto cu CITGO.
Un di e principal stakeholdernan ta TNO, cu t’e instancia encarga pa haci e
investigacionnan necesario pa recoge CO2 pa cultivo di e micro algae.
E proyecto piloto aki Aruba Algae ta uno sostenibel, inovativo y comercial.
Loke cu Aruba ta bay ta produciendo den e Lab lo pone e marca di Aruba
den un mercado global di algae di 100 biyon dolar, asina Ruurd Schoolder-
man (Strategic Advisor Energy di e Oficina Caribense TNO) a bisa.
E prome paso den e proyecto piloto aki, el a splica, ta cu mester a haci un
investigacion cual t’e mihor tipo di algae pa cultiva na Aruba. E mihor a
resulta e micro algae spirulina, cu no ta visibel pa bista humano, pero e ta
perfecto pa crece den e clima di Aruba y cu ta haci cu e por wordo produci
durante henter aña.
E tipo di micro algae cu ta bay cultiva ta wordo usa den productonan di
beyeza, den bebida y productonan di salud. E nomber cu a wordo duna na
ne ta Spirulina Arubensis.
Ruurd Schoolderman a splica cu e microalgae ta wordo cultiva na California,
pero solamente den e periodo di april pa october y na Hawaii e ta wordo
cultiva henter aña, pero no den temperatura optimal.
Den e prome fase cu ta andando a haya datanan cu ta sumamente alentador
p’e produccion di e Spirulina Arubensis.
Den e siguiente 12 lunanan e proyecto mester optimalisa e proceso di cultivo
na Aruba.
Inicialmente e produccion ta pa mercado local y despues den colaboracion
cu companianan local y internacional ta cuminsa mercadea e productonan y
finalmente mester yega na un proceso di produccion industrial. E proyecto
aki ta un iniciativa di Prome Minister Mike Eman.