Page 19 - AWM 28APRIL2018
P. 19
Diasabra, 28 April 2018 AWEMainta 19
Auto a basha cura abou na Noord
DIAHUEBS marduga pa mas o menos 1’or polis
a bay altura di Giselle Department Store pa un acci-
dente.
Na yegada di polisnan, nan a topa cu un Nissan Sentra
hinca den un cura di cas. Den e auto tabatin un pareha
hoben.
Segun por a compronde di e chauffeur, algo lo a pasa su
dilanti y esaki a pone baha caminda na su man drechi.
E vehiculo a pasa net banda di un palo di luz bay dal
contra e cura, bashando esaki abou.
Despues cu esaki a sosode, e chauffeur rabia a baha y
manda un baranca door di e glas patras.
Takelwagennan a wordo pidi pa hiba e auto.
Accidente cu herido na Shaba
DIABIERNA mainta polis a bay ariba e caminda di Shaba, pa
un accidente cu hende herida.
Polis a yega y a constata cu tawata tin 3 auto envolvi. Un Mit-
subishi Lancer, cu ta esun cu a causa e accidente. E otro dosnan
ta un Hyundai Van y un Kia Rio.
Segun a compronde, e Mitsubishi Lancer lo tawata pasando auto,
bayendo direccion zuid y ta topa cu e Hyundai Van. E ta dal semi
frontal contra e Van.
Debi na e impacto e Lancer lo a kita y bay dal e Kia Rio cu pa
mala suerte tawata pasando, menos mal cu e Kia no a sufri mucho
daño. Loke ta e chauffeur di e Lancer, el a haya un corta na brasa
y a wordo trata pa personal di ambulance na nan yegada. Polis a
detene e chauffeur na final y a transporte pa warda di Shaba.
