Page 16 - RDA
P. 16
Segun informacion, media di Trinidad & Tobago a bisa cu e derame di azeta a sosode
un luna pasa. Ya caba tin hopi preocupacion door di e organizacionnan ambientalista na
Los Roques pasobra nan no a wordo informa debidamente.
Ta premira cu un biaha mas, cu Bonaire lo wordo afecta door di e incidente aki den e
prome siman di Juni. Esaki a base di experiencia pasa cu a tuma lugar den luna di April
2017. Banda di esaki, e representanan na Los Roques ta indica cu Corsow y Aruba lo
por wordo afecta rond di 4 di Juni tambe.
Sinembargo, esnan di Parke Nacional Los Roques ta alega cu e incidente aki parce di ta
mas grave compara cu esun di aña pasa ora cu e sosode e ruptura na Petrotrin’s
Pointe-à-Pierre.
Ya caba a tuma lugar un reunion na Los Roques cu presencia di organizacionnan no
gubernamental, representantenan di Gobierno y PDVSA.
Ta spera cu esnan di Trinidad & Tobago lo por a informa caba e autoridadnan di e
islanan ABC riba e situacion pa cuminza prepara pa e yegada di e “oil spill” na nos
costanan.
Mientrastanto, aki na Aruba mester ta prepara y sigur den spera di un declaracion di e
instancianan concerni riba e pasonan cu lo wordo tuma pa evita cu e “oil spill” aki por
afecta gravemente nos flora y fauna.
