Page 4 - ARUBA BANK 8 DEC 2015

Plasterk Asunto di seguro pa studiantenan di
Aruba ta uno interno

Posted on 12/8/2015 11:22 am AST | Updated on 12/8/2015 12:29 pm AST

DEN HAAG – Gobierno hulandes no ta mira motibo pa actua den caso di supuesto
iregularidad den destaho publico pa seguro pa studiantenan arubiano na Hulanda. E
mandatario ta referi na e implicacion cu lo tabatin konkelmento entre minister di
enseñansa y su casa den e asunto. Asina minister hulandes Ronald Plasterk ta contesta
parlamentario hulandes van Raak riba su preguntanan. “E ta un asunto netamente di
Aruba y no uno di Reino” Plasterk ta bisa. “Ademas, si tin indicacion cu tin algo robes, ta
na ministerio publico pa haci investigacion y eventualmente persigui e caso” e mandatario
ta sigui bisa.

ACTIVO CU CONTROL RIBA INTEGRIDAD

Den su contesta, fecha 3 di december, pero publica ayera, e mandatario ta contesta e 10
preguntana tur hunto, den un solo pida. Y mientras cu e mandatario ta cuminsa na bisa cu
enberdad gobierno hulandes ta hopi activo riba tereno di integridad den gobernacion, tanto na
Hulanda como otro caminda den reino, e ta actua ora cu ta necesario y posibel. Den e caso aki,
esey no ta necesario.

SENTENCIA

Ademas, e mandatario ta admiti cu el a tuma nota di e sentencia di 6 di mei 2015, unda cu e
minister di enseñansa a pidi un rectificacion na e matutino Solo di Pueblo riba publicacionnan
eroneo riba e caso di destaho publico. “Ta trata di un sentencia den un caso sumario” Plasterk ta
bisa.

STATUUT Y ARUBA

Pa loke ta e asuntonan rond di seguro medico pa studiantenan, segun Plasterk, esey no ta wordo
menciona den articulo 3 di statuut di Reino Hulandes, como un asunto di Reino. “E ta un asunto
cu ta cay dentro di autonomia di Aruba. Si tin indicacion di hechonan castigabel, ta na ministerio
publico pa efectua mas investigacion y eventual persigui esnan culpabel, e mandatario a bisa.

REACCION VAN RAAK

Den edicion di Antiliaans Dagblad, e matutino awe mainta ta cita e reaccion di e parlamentario
cu a haci e preguntanan y ta mustra cu e ta sorprendi cu e contestanan y cu e lo haci mas
pregunta riba e tema. (lesa e pregunta y contestanan aki di tanto van Raak como Plasterk)

http://www.noticiacla.com/news/4578