Page 18 - FLIP ATA
P. 18
A.T.A. cu exitoso reunionnan enfocando riba Latino
Americano
Thursday, 12 February 2015 15:14
Comparti
Actualmente ta tumando luga reunionnan strategico interno di A.T.A. pa Latino America na Bogota,
Colombia. Aruba ta representa pa e CEO di Aruba Tourism Authority, Ronella Tjin Asjoe-Croes, hunto cu
e CMO, Sanju Luidens-Daryanani, como tambe naturalmente demas miembro di ekipo di A.T.A. na
Aruba, y e ekipo completo di Latino America entre otro e Directora, Miriam Dabian.
Pa diferente di e reunionnan cu aerolineanan a conta cu presencia tambe di Head Airline Marketing na
Aruba Airport Authority, Jo-Anne Arends.
Pa loke ta trata presencia di e ekipo di Latino America completo, aki ta trata di representantenan di
Venezuela, Brazil, Chile, Argentina y naturalmente Colombia.
Meta di e conferencia ta pa repasa strategia pa 2015, aliñea accionnan hunto cu A.T.A. na Aruba,
integracion di plannan strategico, como tambe revisa, defini y comparti obhetivonan y tambe elabora
riba implementacion di e miho practicanan. A.T.A. ta tene e reunionnan aki na tur comienso di aña cu e
mercado di Latino America y e aña aki no ta excepcion.
Pa aña 2014, un total di 336.364 bishitante di Latino America a bishita nos isla cu ta representa no
menos cu 31.4% di e total turistanan cu a yega nos isla. Sin duda e ta nos di dos mercado mas importante
y sigur un di esunnan cu mas ta creciendo e ultimo añanan. Mensahe clave di e CEO di A.T.A. ta entre
otro cu Latino America lo keda ta importante y cu mester sigui diversifica dentro di e base di Latino
America, y sigui shift mas den direccion di otro mercadonan manera Colombia, Brazil, Chile, como
tambe otro nan cu lo tin atencion e aña aki (aunke den un grado mas chikito) Paraguay, Uruguay, Peru y
Ecuador. Pa loke ta Venezuela, Aruba ya aña pasa a minimalisa su presupuesto y actividadnan den e
mercado aki y ta manteniendo esaki y manera indica poniendo hopi mas atencion na otro mercadonan
den Latino America. No ta kita cu Venezuela ta keda importante y Aruba lo keda ta presente.
Durante e reunionnan diferente intercambio a tuma luga cu entre otro aerolineanan Avianca, Copa
Airlines, LAN y KLM. Tur a bay den bon esfera y por lo general e desaroyo pa cu Aruba hunto cu su
socionan aereo ta uno hopi positivo, y ta sigui ta fructifero. Aruba ta mustra di ta un destinacion fuerte
den Latino America. Sigur den e top 5 den e mercado aki tambe pa loke ta trata e base di Caribe.
E meta pa aña 2015 pa Latino America ta un crecemento di 3.5%. E mercado di Latino America ta sigui
aumenta mundialmente cu biaheronan afluente y di hopi clase, semper buscando un destinacion cu por
brinda un bon clima, infrastructura perfecto y cu por garantisa un vakantie di 5 strea.
Americano
Thursday, 12 February 2015 15:14
Comparti
Actualmente ta tumando luga reunionnan strategico interno di A.T.A. pa Latino America na Bogota,
Colombia. Aruba ta representa pa e CEO di Aruba Tourism Authority, Ronella Tjin Asjoe-Croes, hunto cu
e CMO, Sanju Luidens-Daryanani, como tambe naturalmente demas miembro di ekipo di A.T.A. na
Aruba, y e ekipo completo di Latino America entre otro e Directora, Miriam Dabian.
Pa diferente di e reunionnan cu aerolineanan a conta cu presencia tambe di Head Airline Marketing na
Aruba Airport Authority, Jo-Anne Arends.
Pa loke ta trata presencia di e ekipo di Latino America completo, aki ta trata di representantenan di
Venezuela, Brazil, Chile, Argentina y naturalmente Colombia.
Meta di e conferencia ta pa repasa strategia pa 2015, aliñea accionnan hunto cu A.T.A. na Aruba,
integracion di plannan strategico, como tambe revisa, defini y comparti obhetivonan y tambe elabora
riba implementacion di e miho practicanan. A.T.A. ta tene e reunionnan aki na tur comienso di aña cu e
mercado di Latino America y e aña aki no ta excepcion.
Pa aña 2014, un total di 336.364 bishitante di Latino America a bishita nos isla cu ta representa no
menos cu 31.4% di e total turistanan cu a yega nos isla. Sin duda e ta nos di dos mercado mas importante
y sigur un di esunnan cu mas ta creciendo e ultimo añanan. Mensahe clave di e CEO di A.T.A. ta entre
otro cu Latino America lo keda ta importante y cu mester sigui diversifica dentro di e base di Latino
America, y sigui shift mas den direccion di otro mercadonan manera Colombia, Brazil, Chile, como
tambe otro nan cu lo tin atencion e aña aki (aunke den un grado mas chikito) Paraguay, Uruguay, Peru y
Ecuador. Pa loke ta Venezuela, Aruba ya aña pasa a minimalisa su presupuesto y actividadnan den e
mercado aki y ta manteniendo esaki y manera indica poniendo hopi mas atencion na otro mercadonan
den Latino America. No ta kita cu Venezuela ta keda importante y Aruba lo keda ta presente.
Durante e reunionnan diferente intercambio a tuma luga cu entre otro aerolineanan Avianca, Copa
Airlines, LAN y KLM. Tur a bay den bon esfera y por lo general e desaroyo pa cu Aruba hunto cu su
socionan aereo ta uno hopi positivo, y ta sigui ta fructifero. Aruba ta mustra di ta un destinacion fuerte
den Latino America. Sigur den e top 5 den e mercado aki tambe pa loke ta trata e base di Caribe.
E meta pa aña 2015 pa Latino America ta un crecemento di 3.5%. E mercado di Latino America ta sigui
aumenta mundialmente cu biaheronan afluente y di hopi clase, semper buscando un destinacion cu por
brinda un bon clima, infrastructura perfecto y cu por garantisa un vakantie di 5 strea.
