Page 36 - AAA 24 JULY 2015

Parlamentario Jennifer Arends-Reyes Aruba ta keda
score halto den e parti di servicio, atraccion y
destinacion

on: Friday, July 24, 2015In: ReinoNo Comments
Print Email

Segun sra. Arends-Reyes Turismo di Aruba ta na e momentonan aki locual a sa di contribui
grandemente cu nos economia, pa ser exacto segun cifranan di Banco Central, Turismo a
contribui cu casi 3 biyon florin na nos pais aña pasa. Teniendo esaki den consideracion y cu
Turismo ta wordo exponi na factornan externo e ta keda un compromiso y deber di cada un di
nos ciudadanonan pa mantene nos isla como un di e top destinacionan den Caribe.
Recientemente nos a ricibi varios buletin of estadistica di con nos Turismo ta bayendo e lunanan
anterior. Naturalmente cu Turismo den Caribe ta keda uno competitivo y ta trece cun’e tur su
retonan. Na momento cu bo bisiña ta invertiendo den nan producto y esaki ta inclui infrastructura
pa acomoda e pasaheronan y abo como pais ta keda sin desaroya e lo por tin un efecto
desbentahoso pa bo producto cu ta bo pais. Pesey tur e inversionan pa Aruba por keda ‘on top of
the game’ pa ofrece nos bishitantenan un experiencia inolvidabel. Si nos tuma por ehempel e
trabounan di embeyecimento y mantenimento door di e fondonan di TPEF (Tourist Product
Enhancement Fund), renobacionan di hotelnan existente, ampliacion di nos puerto pa por ricibi
barconan crucero mas grandi, borchinan di indicacion, inversionan den caya grandi y
restaurantnan cu ta habri cu concepto nobo. Tur ta yuda pa Aruba por brinda un mihor producto.
Turismo ta traha tambe cu ratings y reviews, cu cada biaha ta birando mas importante y por bisa
cu Aruba tin un promedio den e top 3 den Caribe di Trip Advisor caminda cu nos a score 4.35 di
5 pa satisfaccion cu nos hotel, restaurantnan, atraccion y como destinacion den su totalidad. Trip
Advisor ta un di e websitenan cu tin hopi influencia ariba escohencia di destinacion. Nos
mercado principal ta keda Norte America cu por ehempel a keda trece pa nos 52,933 bishitante