Page 3 - MIN.SOC JAN 27,2015

6 AWEMainta Diamars, 27 Januari 2015

Minister Paul Croes MINISTER di Trabao, Asunto Social y di Hubentud drs. Paul
CONTENTO cu celebracion
Croes diadomingo a participa den diferente evento relaciona cu
DIA DI BETICO celebracion Dia di Betico.
Na final e mandatario a bisa cu e tabata un dia “hopi importante,
Betico tabata un persona cu a logra uni e pueblo pero specialmente pa nos hobennan e tabata un dia unda mester
para keto y mira riba pakico di e celebracion di e dia di awe.”
“25 Di januari, t’e fecha di nacemento di Betico Croes, Libertador
di nos pais. Despues di un lucha grandi, na 1986 nos a culmina
e lucha aki cu e Status Aparte unda cu Aruba a haya un status
autonomo den Reino Hulandes. Y awe Aruba completo ta celebra
e dia di Betico den forma hopi positivo.”
E mandatario tambe a duna di conoce cu e no por keda sin
menciona cu Betico tabata un maestro di scol, musico, atleta,
politico y un estadista cu a sa di pone un pueblo hunto, a pone un
vision, apesar di diferencianan grandi cu por tabatin.
El a logra cu pasion, strategia, hopi energia, dedicacion y
determinacion cu pueblo a para tras di e meta aki y finalmente
Aruba haya su Status Aparte.
Gobierno ta poniendo enfasis riba e importancia di e lucha aki.
“Aruba awe ta un paso mas serca di su entidad real pa motibo di
esaki. Hopi aña nos tabata en busca di e posicion aki debi cu nos
tabata hinca den un constelacion diferente cu esun cu nos pueblo
tabata kier.
Nos a haya chens pa desaroya nos mesun destino y awe nos ta
mira resultado di esaki den sector turismo, economia, salubridad
y tur otro sector. Pesey awe nos ta celebra.”
E ta haya masha importante pa hobennan busca pasa informacion
y historia di Betico Croes, pa haya sa kende ta Aruba su estadista
y pakico mester celebra e fecha aki.

Avenida Milo J.Croes # 118 – A
tel: 5883948, fax: 5883945,
Dilanti Flora Market na Dakota,
Horario: 8.30AM-5.30PM (nonstop)
email: doorhandle @ setarnet.aw

Kozijn, madera meranti, midinan 63cm te cu 93cm, largura
231,5cm. Pa solamente a .129,50

MAS BARATA BO NO POR HANJA

Den temporada di carnaval,evita ladronnan den bo propiedad, pasa na TDH,
pa tur bo locknan di seguridad.