Page 39 - Djaweps 24 mei 2018.pdf

Djaweps 24 Mei 2018 39

Bert Isenia di Curaçao Zoo:
‘Despues di shete aña

nos tin bon kontakto ku

ministerio’

Parke ta den proseso di remodelashon kompleto

WILLEMSTAD.-
‘Despues di shete aña
mi ta mira un apertura
pa Curaçao Zoo. Esaki
tin di aber ku despues di
hopi tempu nos tin bon
kontakto ku ministerio,
den e kaso e ministerio
di Salubridat, Medio
Ambiente i Naturalesa
di Suzy Camelia-Römer.’
Asina Hubert ‘Bert’ Isenia,
direktor di Curaçao Zoo, a
splika durante rueda di
prensa di Curaçao Zoo.
Manera ta konosí nos Parke
Tropikal ta den proseso pa
haña un remodelashon
kompleto. E parke awor
ta konosí bou di nòmber
Curaçao Zoo. Den e último
añanan Isenia huntu ku
otro hende den e parke a
traha riba un masterplan.
Intenshon ta ku e ta
desaroyá na un parke di
bestia moderno kaminda
e stimashon pa animal lo
ta e faktor determinante.
Isenia ta na fabor di un
kuido di animal, den kua
no ta e eksibishon di e
animal ta na promé lugá
mas manera ántes, pero
mas bien un ambiente
kaminda por kuida e
animal responsabel i ku
dignidat den un área ku
ta mas grandi.
Isenia: ‘Den e último
añanan tabata hopi difísil
pa nos por haña sosten di
un minister.
Esaki tabatin di
aber, entre otro, ku tur e
kambionan ku a tuma lugá
den nos gobièrnunan den
e último añanan. I tambe
e kambionan di diferente
minister. Esaki tabata
komo konsekuensia ku
no tabatin kontinuashon
ni sosten. ‘Awor nos ta
kontentu ku nos tin bon
kontakto.
Tin rèspèt mutuo. Nan
ta rekonosé nos komo un
grupo di profeshonalnan,
ku ta komprendé kiko ta
nesesario pa desaroyá
e parke na un zoo
profeshonal. Tambe awor
nos tin un bon kontakto
ku servisio Veterinario.
Nos a deliberá ekstenso
kaba tokante nos plannan
pa futuro i nos tin tur
konfiansa ku nos por traha
huntu riba esei.’