Page 32 - MIN VOS 12 MAART 2016
P. 32
AWEMainta Diasabra, 12 Maart 2016 31
Clasificacion pa e Weganan Olimpico di RIO
2016 a bira realidad
Taekwondista Monica
Pimentel ta haci
historia pa Aruba na
Aguascalientes, Mexico
KISAS un resultado cu a gara nos tur di
sorpresa, pero e realidad ta cu e atleta femenino
den e deporte di taekwondo Monica Pimentel
a logra haci historia pa nos isla dor di bira
e prome atleta di taekwondo cu ta yega e
Weganan Olimpico pa medio di clasificacion.
Na Aguascalientes, Mexico unda e clasificacion
di taekwondo pa e continente Panamericano
ta tumando luga y guia pa coach di e seleccion
nacional di taekwondo Teo Rodriguez, Monica
a logra gana tres pelea sigui den e categoria -
49kg y yega e gran final.
E dos atletanan cu yega e gran final
automaticamente lo sigura nan paso pa e
Weganan Olimpico di Rio 2016 y Monica a bira
un di e dos atletanan aki, e otro atleta a bira
Canseco di Peru.
Mester bisa cu Monica tabata super emociona
despues di e logra su victoria e no por a contene
su lagrimanan di alegria, porfin e la mira su
soño ta anhela bira un realidad.
Monica a traha hopi duro despues di e Weganan
Panamericano, el a entrena na e. o. na Korea
del Sur como tambe recientemente na Cuba.
Un pabien sigur na nos atleta elite den e
deporte di taekwondo Monica Pimentel cu su
clasificacion pa e Weganan Olimpico di Rio
2016.
