Page 79 - MIN VOS 12 MAART 2016

cuanto donacion tin y dicon ta bisa cu tin un wachtlijst di 300 cliente mientras esaki ta menos.
Minister ta di opinion cu e fundacion tin cu motiva alabes dicon tin mester di mas trahador. Minister a
indica cu e lo e haci un audit di e organisacion pa haya mas claridad. E director a duna su banda di
medaya den prensa y e sindicato di trahadornan tambe a duna su punto di bista.
Segun Wyatt-Ras, scucha trahadornan ta parti di e proceso di busca informacion. Aki
parlamentarionan por tin informacion pa nan por haci nan trabou parlamentario pa wak si ta
actuando corectamente. Por a tuma nota cu gobierno ta den deliberacion cu director, management
team y tambe e hunta di supervision. E informacion ricibi den reunion lo yuda cada parlamentario pa
sigui haci nan trabou parlamentario regardando e asunto di SABA. Ta importante pa busca di haya
informacion di tur banda y angulo. Paso ora ta regarda placa ta Parlamento ta e organo cu ta aproba
y desaproba subsidio cu ta presupuesta y mester haya informacion pa haci esaki na un forma
responsabel. Pa loke ta trata trato di e clientenan di SABA tambe ta un asunto cu Parlamento tin cu
keda tene bista ariba dje, en especial despues cu a pasa e ley di ouderenzorg pa salvaguardia nan
derechonan.
Wyatt-Ras ta trese padilanti cu Gobierno ta implementando un tipo di subsidio mas dirigi ariba
“output” y por constata tur partido ta di acuerdo cu otro cu gobierno cu ta duna placa mester por
controla kico ta ser haci cu e suma aki. Trahadornan na nan turno mester cumpli pero alabes mester
tin tools pa traha cun’e e haya sosten pa por haci nan trabou manera mester. Tur esaki den
bienestar di e cliente, Wyatt-Ras ta trece padilanti. E parlamentario y ambos comision a keda
contento cu contenido di e reunion y e informacion ricibi y ta spera cu na mesa e partidonan por
topa otro y discuti pa yega na otro den bienestar di nos grandinan. Wyatt-Ras a gradici e
invitadonan pa nan presencia y pa por a comparti na preocupacionnan cu Parlamento.