Page 44 - MIN,JUS JUNE 8
P. 44
Fiscal a exigi 12 luna di castigo contra Venezolanonan cu lo
a uza carchi falso pa lanta placa y cumpra articulo
Publication: Monday, 8 June 2015. Categoria: Judicial
ORANJESTAD (AAN): E sospechosonan Venezolano K.J.C.G. y Y.R.T.M. a presenta na corte
di hustcia Diabierna, debi na e hecho cu nan a wordo acusa di, conhuntamente cu un otro of
otronan, a intencionalmente haci uso di carchinan di banco falsifica den e periodo di 28 di
November 2014 te 9 di December 2014.
Banda di esaki nan a wordo acusa di, conhuntamente cu un otro of otronan, ladronicia di mas cu
3.000 dollar dor di haci uso di carchinan di banco falsifica den e periodo di 28 di November
2014 te 9 di December 2014.
Huez a repasa e procesverbal di polis di e caso, durante di cual huez a hasi pregunta tambe na e
sospechosonan.
Den corte nan a indica cu nan a djis haya e carchi for di un persona na Venezuela pa cumpra
articulonan na Aruba, pa despues bende esakinan na Venezuela na dobel di e prijs.
E intencion tabata pues pa haya un ganashi cu lo wordo parti entre nan.
Fiscal a haya cu ambos tabata culpable y el a exigi un castigo incondicional contra ambos di 12
luna, kitando e tempo cu nan a sinta caba den detencion preventivo.
Abogado Orlando van Trikt, representando Y.M a indica cu su cliente no tabata sa cu e carchinan
tabata falso, si esaki lo tabata e caso.
El a pidi huez pa tene cuenta cu e hecho cu nunca antes Y.M a yega di haya su mes den problema
cu polis.
Tambe el a pidi pa tene cuenta cu e hecho cu Y.M tin dos yiu cu ta depende di dje
financieramente.
Abogado Vito Carlo a indica cu unico cos cu su cliente a admiti di a hasi robez tabata uza un
carchi di identidad falso, pa e por a uza e carchinan.
Sinembargo, segun e, e carchinan no tabata falso.
Tambe el a trece dilanti cu den e dossier di e caso tin para cu cierto dianan e carchinan a wordo
uza, pero net e dianan ey su cliente no tabata na Aruba.
Huez na dado momento a confronta Y.M cu e hecho cu na polis el a declara cu e sa cu awor e ta
den problema pa locual el a hasi.
Y.M a bisa huez cu el a pidi pa un traductor cerca polis y cu locual nan a pone cu el a bisa, no ta
locual el a bisa.
