Page 42 - diario june 8
P. 42
PAGINA 42 DIARIO DIALUNA 8 JUNI 2015
OPPA ta
invita su
miembronan
pa celebra
Dia di San
Juan cu un
Sesosport
ORANJESTAD (AAN):
Manera ya anuncia
anteriormente OPPA
ta organisa su siguiente
actividad riba diaranson 24 di
juni venidero, cu ta un dia cu
Aruba henter ta celebra Dia di
San Juan, Dera Gay.
OPPA tambe lo celebra e dia
aki hunto cu su miembronan
cu un Sesosport na encargo di
Señor Bibi Ruiz.
Esaki lo tuma luga na
Simar, Sabana Blanco 36,
cuminsando for di 9’or di
mainta saboriando di un
koffie y cuki y e actividad
lo termina pa 1or di atardi.
Ya caba e miembronan por
traha nan team di 6 persona
y dun’e un nomber, pa hunto
nan kibra cabes y contesta tur
e preguntanan.
Pa esun cu no tin team
forma y ta desea di participa,
esaki no ta problema pasobra
na yegada bo mes por dicidi
cu cua mesa lo bo join pa bati
e otro teamnan. Bo persona
ta liber tambe pa bin apoya e
participantenan.
Tur miembro, sea cu bo ta
participa activamente of bo
ta bin pa duna sosten y apoya
na e teamnan, mester registra
na oficina di OPPA durante
orario di oficina. Por haci
esaki desde dialuna 8 di juni
te cu dia 18 di juni venidero.
Entrada pa e actividad aki ta
completamente gratis. Ya caba
por cuminsa marca e siguiente
actividad riba bo kalender cu
lo tuma luga riba diadomingo
23 di augustus 2015, riba De
Palm Island. Esaki lo ta en
conexion cu celebracion di 27
aña di existencia di OPPA.
