Page 57 - HOSPITAAL
P. 57
Segun Minister Chris Romero: Implementacion
di cannabis medicinal ta rekeri estudionan
profundo
April 25, 2018
Uzo di cannabis medicinal ta tumando hopi forsa mundialmente. Mas y mas ta e paisnan cu ta legalisando e
uzo medicinal di e planta aki pa yuda esunnan mas vulnerabel door di nan estado di salud. Esaki ta un realidad
creciente mundialmente y como tal aki na Aruba Gabinete Wever-Croes a institui un comision di experto pa
sondea e miho opcionnan pa por haci uzo di cannabis medicinal aki na Aruba.
Minister Chris Romero ta enfatisa cu “teniendo na cuenta e pensamento cu nos Prome Minister ya caba a duna
di conoce riba e asunto di uzo medicinal di cannabis na Aruba, mi ta di opinion cu e ta na su luga pa duna
espacio na e comision encarga cu e analisis, haci lo necesario y realisa tur estudio corespondiente pa asina por
yega na un conclusion definitivo riba e topico di cannabis medicinal”.
