Page 4 - Aruba Bank

Aruba Bank ta Introduci e Prome

Smart Deposit Machine na Aruba

Posted on 02/3/2016 9:56 pm AST | Updated on 02/3/2016 10:54 pm AST

ORANJESTAD - Cu e meta pa mehora e experiencia di e cliente Aruba Bank ta
introduci e prome Self Service Deposit Machine na Aruba. E mashin “sabi” aki tin
varios funcionalidad cu ta inclui: deposita placa cash sin envelop, placa ta
disponibel ariba cuenta di biaha, posibilidad pa deposita multiple check. E
ventahanan aki ta disponibel pa clientenan tanto individual y negoshinan. E
deposito di biyetenan por ta tanto na Florin como na Dollar Mericano (AWG y
USD), cada uno mester wordo deposita apart. Deposito di check mester ta cu check
di Aruba Bank y of check di banconan local.

CASH DEPOSIT

Tur “cash deposit” ta wordo deposita ariba cuenta “realtime” 24/7. Tur “check deposit” di
Aruba Bank checks ta wordo procesa cada 30 minuut, entre 8:00 am – 4:00 pm, y check
nan di otro banco local ta tuma 4 dia di trabou pa clear. E unidadnan ta detecta biyete
falso inmediatamente. Un maximo di AWG 10,000 of e equivalente na dollars ta wordo
acepta pa cada transaccion. E suma maximo cu por wordo deposita pa dia ta AWG
25,000 of su equivalente na dollars. E servicionan facil y rapido aki ta bai wordo amplia
den futuro ariba e mashin. Esakinan lo encera, retira efectivo, pidi estado di cuenta, pago
di cobranza, transferencia di placa entre dos cuenta, y cambio di number di PIN. E
mashinnan lo wordo inaugura como lo siguiente; 4 di februari na nos sucursalnan na
HATO y Camacuri y 11 di februari na nos Mainstreet Express Branch. Servicionan
adicional disponibel dentro di corto ta inclui servicionan di Financial Kiosk. Esakinan lo
inclui: peticion pa un tarheta nobo, peticion pa servicio di text banking, peticion pa
cambio di adres, peticion pa carta di interes.