Page 28 - HOSPITAAL
P. 28
E 6% di BBO/BAZV ta temporal
te ora e reforma fiscal keda cla
4 May, 2018
0
Por mira cerca autobusnan y gerencia di loteria e malestar unda cu nan a
expresa cu mester cuminsa cobra BBO, ya cu esaki no por keda paga for di di
nan saco, riba cual e minister di Finanzas, mr. Xiomara Maduro ta splica cu pa
por paga e recibonan cu e gobernacion anterior a laga, mester aumenta BBO y
BAZV temporalmente, te ora cu keda cla cu e reforma fiscal.
A yama esaki e crisisheffing y esaki ta pa un temporada, door cu mester bay
over ariba un otro sistema fiscal na Aruba. Gobierno a manda pidi IMF pa ayudo
tecnico cual propuesta a wordo acepta pa IMF. E ora lo por traha ariba un
sistema fiscal caminda cu por sigui bay den direccion di belasting indirecto. Pero
pa awor aki e entradanan di gobierno no ta cubri e gastonan cu tin. Aruba tin un
debe grandisimo cu ta hiba hopi placa den interes cu tin cu paga pa e debenan
cu a wordo haci den transcurso di e añanan. Esaki nan ta trece hopi reto cu
nan.
E situacion aki a pone cu gobierno mester subi e entrada di locual ta gobierno.
