Page 36 - KPA

Tres ladron a kibra negoshi den Dakota Shopping Paradise

Sunday, 20 March 2016 10:01
Tweet
Comparti

Diadomingo marduga a sosode un caso di destruccion cu intencion pa horta.
Tres ladron a yega riba e security y hasta menaze segun e miembro di seguridad. El a splica cu un di nan
tabata tin arma di candela den man. Nan a bay riba e negoshi Crystal Nutrition Center. Tur cos a sosode
pa e banda pafo cu ta cay den Avenida Milio Croes. Na yegada di Polis a topa e porta di e negoshi
totalmente destrui. Dos baranca a wordo manda den e negoshi y asina nan a logra traha buraco. Segun e
miembro di seguridad, ningun hende a logra den e negoshi. Polis a tuma tur detaye y a cuminsa un
buskeda. A constata cu tin dos slof cu a keda atras banda di e negoshi. Uno riba acera y otro riba
caminda. Polis a coy e slofnan pone nan hunto canto di caminda.

http://www.24ora.com/policial-mainmenu-8/106617-tres-ladron-a-kibra-negoshi-den-dakota-shopping-
paradise