Page 7 - MIN VOS
P. 7
Den e campeonato aki tin participación di 15 pais. Aruba ta presente cu dos atleta cu ta
Jennifer Piter cu ta hisa den categoría di 63kg y Joel Kuiperi den categoría di 105kg
ambos atletanan aki ta forma parti di selección di Aruba. Tambe a bai como coach y
delegado Sr. Patrick Vrolijk. Nos por menciona cu e atletanan Jennifer y Joel ta dos atleta
di elite y tin hopi experiencia den campeonatonan internacional y sa di gana varios
medayanan den exterior y tambe tin varios record di Aruba den e deporte di hisamento di
peso. E competencia di e atleta Jennifer Piter ta dia 21 september y di Joel Kuiperi ta di
22 september 2017. Tur dos atletanan a bai bon prepara y lo bataya duro entre e otro
atletanan di paísnan den Caribe pa asina busca nan ranking y clasificación. Aruba
Amateur Weightlifting Association kier a manda palabra di gradicimento na Lotto pa
Deporte y Sport Subsidie Commissie cu a subsidia e biaha di atletanan y ta manda
palabra di éxito na Jennifer Piter, Joel Kuiperi y coach Patrick Vrolijk pa e Campeonato
Centro Americano y del Caribe de Levantamiento de Pesas na Guatemala.
