Page 93 - MIN VOS

Diaranson atardi Prome Minister Mike Eman tabatin e satisfaccion y orguyo di por a

inaugura otro mini cancha di futbol cu yerba artificial. E biaha aki e bario beneficia pa un

facilidad deportivo asina ta Ayo. E apertura a tuma luga na sede di Centro di Bario Ayo y

bicindario den presencia di directiva, mucha y mayornan di e bario y oficina di

BoBario.Directiva di Centro di Bario Ayo a prepara un programa chikito pa e ocasion

den cual President di Hunta Directiva, Jason Kelly a hiba palabra pa remarca e

importancia di e momento, gradicimento na Premier Eman pa e iniciativa y tur esnan cu a
haci e proyecto un realidad, manera COA, VNO y Cede Aruba. Tambe e presidente di e

Centro di Bario ta anuncia cu e mini cancha ta dedica na Sr. Reymundo Kelly.

Di e manera aki ta duna honor na un figura hopi importante pa e bario y pa e organisacion

di Centro di Bario, kende pa decadanan largo a dedica hopi tempo, trabou y dedicacion
na maneho di e centro y organisacionnan di actividadnan social pa henter e bario. Sr.

Raymundo Kelly a bin dilanti y tambe tabatin oportunidad di hiba palabra expresando su

emocion pa e gesto aki y gradicimento. E dedicatoria ta marca den un plachi di palo kima

traha pa Modechi Werleman.

E ceremonia di apetura na Ayo a continua na momento cu Prome Minister Eman hunto

cu sr. Kelly y directiva di e Centro di Bario, ademas di algun mucha, a scop e prome

balanan den gol pa asina declara e cancha oficialmente habri. Esaki ta e di tres mini

cancha cu ta inaugura despues di esun na Centro di Bario Dakota y na S.V. Arsenal na

Coba Lodo/Angochi.