Page 10 - MIN VOS

Antisocialnan Ta Comete Vandalismo Na Palo Marga

Y E Deporte Di Drag Race

 Featured

 Local
- 22/06/2017

Ta increibel loke esnan encarga cu Palo Marga a bin topa cu ne awe mainta na pista di
Palo Marga. Malhechor/anti-socialnan a drenta e facilidad y a causa basta destruccion
kibrando varios tubo di awa y lagando nan tur tira un banda.

Esaki por simplemente wordo considera vandalismo di mala fe paso no por papia di
ladronicia como cu tur e tubonan di koper cu a wordo saca for di bou tera y kibra a wordo
simplemente laga atras, pues no aki no ta trata di ladronan di koper cu e bin busca tubo pa
nan bay bende.

Rooinan largo di awa a keda core na varios parti di e pista, asfalt y vloernan nan kibra,
etc.

Loke ta di remarca ta cu e pista tabatin basta luna largo cera y nada di esaki nan a pasa,
apenas 2 siman pasa a cuminsa cu e prome evento exitoso di Street Legal y net 2 dia
prome cu e siguiente evento di Street Legal e tipo di cosnan aki ta tuma lugar.

Esnan concerni ta haya esaki hopi jammer ya cu apenas a drenta un suma di placa cu por
wordo uza p’asina “upgrade” y drecha e lista largo di cosnan cu tin cu wordo atendi cu ne
y awor tin cu bay pone tur tubo nobo paso awa ta algo cu mester tanto rib’e facilidadnan
manera baño y cushina p’asina e actividadnan por continua.