Page 128 - MIN VOS

E tardansa pa loke ta dokternan di wowo ta riba e tempo di
operacion

Wednesday, 21 June 2017 22:03
Comparti

Dokter di wowo ta un problema keto bay. Tin un lista largo di espera pa dokter di wowo. Por a scucha
hende ta reclama cu tin lunanan largo ta warda.

Segun minister di Salubridad, dr. Alex Schwengle, e solucion ta bay ta, loke ta bay tarda pa logra pa
alarga tempo di operacion, pasobra esey ta e problema. Tempo pa opera. Tin suficiente dokter y ta short
uno, cu ta bayendo pa haci un extra opleiding pa e por tin su cirugia completo. E ora ta bay tin 4 dokter
dokter di wowo cu por opera.

Esey no ta e problema e ora. E problema grandi ta sinta cu nos falta sala di operacion. Na momento cu tin
9 sala di operacion, no ta bay tin wachttijden mas. Ta un problema structural cu bo no ta resolve door di
busca 10 oogarts mas. Por busca 10 dokter di wowo, por ta e citanan ta bay mas lihe, pero e tempo di
espera ta keda mesun cos. Esaki no ta existi di awo, pero di hopi tempo y cada biaha cu tarda pa haci e
inversionnan necesario, e consecuencia ta cu e tempo di espera ta bira cada biaha mas pio. E populacion
ta keda crece, tin hopi diabetes, hopi complicacion, etc.

Solucion
Segun minister Schwengle, awor aki ta buscando un reemplaso temporal pa dokternan di wowo. Na
momento cu tur 4 dokter ta in place, supuestamente e citanan ta bay mas lihe. Tin biaha tambe pa no
organisa nan practica.

E manera ideal tin biaha tin tardansanan inecesario y AZV ta bezig ta investigando esaki. E tempo di
espera vooral ta pa loke ta toca ta tempo di operacion. Esey ta e problema di mas grandi y ta un problema
structural. Unico manera pa resolve ta door di bin cu mas sala di operacion. E fix temporario cu ta purba
di haya di un aña ta pega pa via door di leynan anticua, pero ta spera cu mas lihe posibel, cu directiva di
hospital, hunto cu ABV por sali afo, pa nan por cuminsa alvans, alarga e tempo di trabao na sala di
operacion, segun e mandatario.