Page 32 - UTILITIES MRT 24

Utilities ta analisando posibilidad pa reduccion di tarifa
Publication: Tuesday, 24 March 2015. Categoria: General
Miembro di raad van commissarissen di WEB a tuma retiro

ORANJESTAD(AAN): Den un entrevista dialuna cu Minister di Utilidad, Mike de Meza, e
mandatario a confirma cu un miembro di e Raad van Commissarissen di WEB Aruba N.V. a
tuma su retiro.
Ta trata di un persona cu un bon estudio, cu bon reputacion y integro kende a sirbi Aruba den
diferente Raad van Commissarissen bao di gobernacion di tanto MEP como di AVP.
Minister De Meza a splica cu e persona a wordo ataca na un forma di “character assassination”
pa e radio y corant di Santa Cruz na un nivel abao, sin cu e medionan di comunicacion a haci
ningun pregunta tocante procesonan a bay.
Durante cu e atakenan a tuma luga e persona a dicidi cu ta simplemente basta y a tuma su retiro,
bisando cu e ta habri pa combersacion y debate riba topiconan manera e hedging cu a tuma luga,
etc. pero no ta para pa laga atakenan asina sigui.
Minister Mike de Meza a bisa cu entretanto su ministerio ta bezig ta analisa e mocionnan cu a
bin for di Parlamento pa cu nan implementacion.
Algun por wordo implementa mas rapido cu otronan y tin cu ta implica cambionan den
statutonan y hasta ahustacionnan den leynan, e mandatario a añadi.
Na su debido tempo Utilities lo sinta cu e Raad van Commissarissen y gerencia di WEB tocante
e diferente mocionnan y cambionan pa ehecuta nan.
De Meza a bisa cu el a haci un apelacion tambe riba Utilities pa sinta cu Raad van Advies y
gerencia di WEB tocante un posibel flexibilisacion di e contract di hedging pa di un manera of
otro toch pueblo di Aruba mira un rebaho den e tarifanan.