Page 21 - Awemainta

AWEMainta Diahuebs, 31 December 2015 21

Es style di alles mag:

Un analisis di Papiamento na Aruba

DIAMARS 5 di januari, Jennifer Fun ta

presenta su Master Scriptie cu e titulo “Es
style di alles mag: Un analisis di Papiamento
na Aruba” na Biblioteca Nacional Aruba den
edificio central na George Madurostraat. Esaki
ta un presentacion pa publico general y muy
en particular e personanan cu un interes den
idioma. E presentacion ta cuminsa 7’or y mey.

Jennifer Fun ta papia tocante e uzo di diferente
idioma den un solo interaccion y combersacion
(e fenomeno di codeswitching/codewissel-
ing). Un charla interestante pa un y tur cu tin
di haber cu e fenomeno aki den bida diario.
Kisas ta topa cu esaki den corant, na television
of den bo mesun cas. E ta algo cu hopi biaha
nos mes ta participa na dje. Pa esnan cu ta
interesa pa haya sa mas tocante codewissel-
ing/codeswitching, Jennifer Fun ta splica kico
esaki ta y con na Aruba e contexto multilingual
a cambia durante tempo.

Jennifer Fun a nace na Aruba. Despues di a
gradua na Colegio Arubano na 2007 el a bay
studia na Hulanda. Jennifer ta wak un comuni-
dad multicultural como algo bunita y ta spera
di por yuda pa crea mas ehempel di comunidad
intercultural den futuro.

Biblioteca ta invita un y tur pa e charla aki dia 5
di januari 2016 y pa pasa comparti experiencia
y ideanan cu otro.