Page 8 - AVB
P. 8
ORANJESTAD(AAN0—Segun informashon cu tabata tin
un auto cu 4 joven aden cu na dado momento a encontra otro 3 hoben nan riba
bicicleta cu anteriormente tabata tin problema.
A cuminsa un entre cambio di palabra aparentemente relaciona cu un problema bieuw
di scol entre e jovennan aki i cu mas despues a termina na tiramento di baranca cu a
herida 1 di e hobennan seriamente.
Un rato prome cu e sucedido aki tawata tin un wega di futbol entre S.V. Bubali y S.V.
United categoria Mayor campeonato di AVB 2017-2018 na tereno di S.V. Caiquetio.
Pa aclarea, e partido di futbol menciona no tin nada di haber cu e susedido na
Jaburibari. Den e prome noticia a wordo menciona den prensa cu tawata trata di 5
futbolista joven di e club berde y blanco di Noord referiendo na S.V. Bubali Sport Club.
Nos como directiva di S.V.
Bubali ta lamenta lo cual a wordo informa den corant y medianan social di Aruba. Nos
ta haya cu Prensa por a tuma contact cu nos Directiva promer pa confirma e otro banda
di medaya, mirando cu ta e club su nomber a wordo poni den un sombra scur.
Prensa ta sigui anuncia cu tur e jovennan ta futbolista siendo cu no ta berdad.
Despues di dialuna directiva di S.V. BSC a bai hospital pa wak e mucha homber cu a
keda herida durante e sucedido.
