Page 22 - DESPA 13 NOV 2015

Djabièrnè 13 Novèmber 2015 7

...Segun Henri Emerenciana, presidente di APRI...

AMBIENTALISTANAN DEN GUERA

KONTRA ISLA TIN AGENDA SKONDI

WILLEMSTAD.- APRI Henri Emerenciana a duna di konosé.
komo sindikato di Staf i
èmployénan di Refineria
Isla a reuní e siman aki ku
nan abogado pa analisá i
evaluá e sentensia den korte
kaminda hues a lanta e
beslag ku organisashonnan
ambientalista i 24 siudadano
lokal a pone riba fondonan
dje refineria.

Henri Emerenciana,
presidente di APRI a bisa
ku fo’i dje splikashon ku
nan a haña i e evaluashon
ku a sigui mester konkluí
ku e organisashonnan
ambientalista sigur i e 24
siudadanonan probablemente
no tabatin bon intenshon
ora a pone beslag riba e
fondonan di Isla. Por bisa
asta ku nan tabatin agènda
skondí e presidente di APRI ta
konkluí den deklarashonnan
na prensa. E sentensia
faborabel ounke mará na
kondishonnan alabes no
mester keda interpretá
komo viktoria pa esnan ku
a entamá e kaso sumario pa
lanta e beslag.

E ambientalistanan
sigur ta keda riba e ruta di
sera e refineria i nan por
apelá e sentensia Henri
Emerenciana a splika.
Si mira e kampañanan
publisitario ku nan a hiba
ku avisonan grandi i kostoso
den korantnan mester puntra
ken òf kendenan ta nan tras
Henri Emerenciana a bisa.

Si mira mas aleu kuantu
interes tin pa kumpra
terenonan den área di Sambil,
un área bou di huma di Isla
mester puntra si un ke otro ta
konektá ku otro e presidente
di APRI a sigui komentá.

Resumiendo mester
rekonosé ku tin ku atendé ku
e problema di polushon i ku
mester eliminá esaki sin mas
pero pa logra esaki mester
duna Isla i gobièrnu e tempu
i trankilidat pa nan traha