Page 23 - BNDIA ARUBA

locAl Diaranson 1 november 2017
A23

Momento historico ora a traspasa e prome pashent pa New Bed Tower

ORANJESTAD - Recientemente Dr. Horacio E. Odu-
ber Hospital traspasa e prome pashent pa New Bed
Tower. E momemto aki tabata uno importante pa
miembro di personal di Hospital y na mes momento
sumamente emocionante na momento cu a traspasa e
prome pashent pa e New Bed Tower.

E prome pashent cu a drenta den e New Bed Tower tabata
Janine Koolman. El a wordo transporta pa un team di Hospi-
tal conhuntamente cu Minister demisionario Schwengle. Na
momento cu e lift a habri na e New Bed Tower sra. Koolman
a wordo ricibi pa Ezzard Cilié di Hunta di Directiva di HOH
hunto cu algun miembro di e Comision di Construccion. El
a duna di conoce cu pa su persona tabata un sorpresa ora cu
un nurse a bis’e cu nan tur a scoge pa e ta e prome pashent
pa drenta den e New Bed Tower. E tabata contento pa biba
e momento aki cu e a comparti cu su yiu. “Ora cu mi tabata
saliendo den rolstoel di e hospital existente pa e hospital nobo
y a mira e cambio, mi por a sinti cu bo ta den ful un otro
mundo”, segun sra. Koolman. El a wordo bon ricibi pa tur
miembro di personal di departamento B3 y a gradici Minister
Schwengle pa a trece den e New Bed Tower.
Diamars mainta tabatin hopi preparacion pa asina caba cu e
ultimo detayenan pa na final nan haya e green light pa muda
e prome pashent. Ayera mainta sra. Ruthmila- Odor- Croes a
drenta Hospital como Zorgmanager di Niet Snijdend 3 y awo
e por bisa cu e ta Zorgmanager di B3 . El a indica cu e prepara-
cion a cuminsa ya hopi luna atras, unda a cuminsa brainstorm
y pone riba papel con ta bay organisa e traspaso. Den fin di
siman a cuminsa prepara e camanan, y loke no mester lubida
ta cu e parti di duna cuido, pues e parti operacional tambe
mester a continua. Esaki a pone cu e mesun hendenan tabata
haci nan trabou y despues tabata yuda cu e preparacionnan
necesario pa muda den e edificio nobo, pasobra tur cos mester
ta safe pe pashentnan.

E cambionan di mas grandi cu di biaha ta visibel pa e pash-
ent na momento di bay di e Hospital existente pa e New Bed
Tower ta e look mas moderno y refrescante. E cambio aki
ta pone cu sigur cu awo tin un Hospital mas espacioso, mas
bunita y hopi mas moderno. Siguramente e cambernan di 1
of 2 persona cu hopi mas iluminacion y hopi mas trankil. Awo
pashentnan tin cama electronico na unda nan mes por contro-
la e cama. Pashentnan cu ta drenta cu rolstoel tin awo un lift
automatico cu ta hisa nan y pone nan riba cama. Por imagina
cu esaki siguramente lo alivia e lomba di nos enfermeronan.