Page 21 - MIN JUS, 30 april 2015

Parlamentario Jennifer Arends-Reyes:Nos
muchanan y nos hobennan ta keda e liña cora den
e preguntanan na e Ministernan

• Apr 29th, 2015
• Politica

Segun sra. Arends-Reyes, e reunionnan pa tratamento di presupuesto 2015 a cuminsa cu e Ministerio di
Husticia. Durante di e reunion aki diferente pregunta y topico a bin dilanti di parti di fraccion di AVP y hopi
di e preguntanan tin di haber cu nos hobennan y nos muchanan. Ta di aplaudi cu tur Ministerio di Aruba
specialmente den e ultimo 5 añanan ta enfoca mas riba nos Hubentud y muchanan y ta cosechando exito
cu e programanan y maneho. Apesar di esakinan tin fenomeno cu mester atencion specifico y tin di
haber cu nos hobennan cu ta cay den mal caminda y cu ta exigi pa tur instancia, organisacion, scolnan y
mayornan pone mas enfasis ariba guia y comunicacion. Tin diferente Ministerio cu mester sigui traha
hunto pa yega na mehoransa pa cu nos hubentud y nan actitud. Durante e tratamento di presupuesto di
Ministerio di Husticia a trece dilanti diferente punto manera criminalidad di hobennan of pelea nan.
Tambe follow-up tocante mocionnan cu a pasa anteriormente cu tin di haber cu abuso di mucha. Otro
topico tambe cu a wordo treci dilanti ta e importancia di uzo di “child seat” den auto ora ta transporta
muchanan chikito. Puntonan cu ta biba den nos comunidad y cu nos lo kier wak mas enfasis riba dje.
Mester bisa tambe cu hopi pregunta cu a ser haci por escrito na tur Minister ta keda pone enfasis ariba
bienestar di nos hobennan y muchanan.

http://masnoticia.com/parlamentario-jennifer-arends-reyesnos-muchanan-y-nos-hobennan-ta-keda-e-
lina-cora-den-e-preguntanan-na-e-ministernan/